LOST BUT FOUND: Finding the right path

Sa buhay natin, minsan darating tayo sa punto na mawawalan tayo ng pag-asang magbago pa, mabuhay ng masaya, at payapa. Kung saan saan natin hinahanap ang kaligayahan. Pilit inaalam ang tunay na kahulugan ng buhay at ang silbi nito.

NAWALA
Si Jolina Pacheco, dating addict sa online games, Dota, TOP, ROSO. Nagmumura. Sumasagot ng pabalang sa magulang. Magagalitin. Mapaghiganti. Mahilig sa chismis. At hinahanap ang atensyon sa ibang tao.

NAGHANAP
Kagaya natin, hinahanap ng atensyon, pagmamahal at pagpapahalaga sa ibang tao o maaaring bagay. Walang pinatutunguhan ang buhay dahil sa maling bagay hinahanap ang tunay na kaligayahan at halaga ng buhay.  Ngunit sa wala ni isa sa mga iyon ang sagot.

Sabi nga sa libro ni Rick Warren na “The Purpose Driven Life”:

"You won't discover your life's meaning by looking within yourself... life is about letting God use you for His purpose, not your using Him for your own purpose”

NATAGPUAN
Dahil sa maling pinanghuhugutan ng halaga at kaligayahan, paulit ulit nabibigo ang tao. Paulit ulit naghahanap, ngunit hindi masumpungan ang tunay na kapayapaan. Ngunit dahil sa habag ng Diyos, nakilala ni Jolina ang Panginoon. Unti unting nabago ang kanyang buhay. Ang dating walang patutunguhan na buhay, ngayon ay meron na. Naging iba ang pananaw ni Jolina sa buhay. Masaya at payapa siyang naglilingkod at patuloy na kumikilala sa Panginoon ngayon. Sa katunayan, isa siya sa mga leader ng kabataang naglilingkod at sumasamba sa Panginoon sa VCA Plaridel (church). Aktibo sa ministeryo at patuloy na lumalago ang pananampalataya.